80 haurrek baino gehiagok parte hartu zuten, eta ordubetez baino gehiagoz margotu edo marraztu zituzten beren marrazkiak
Joan den igandean, ekainak 19, San Martzial Alardeko Olaberria Konpainiak eta Mugarriluze Alardearen Aldeko Emakume Elkarteak antolatutako XV. Marrazki eta Pintura Lehiaketa ospatu zen José Basilio Aranburu plazatxoan (Perujaran kalearen atzealdean).
17:00etan hasi zen, hiru kategoriarekin: 6 urte arte, 7 eta 9 urte bitartekoak eta 10 eta 12 urte bitartekoak. 80 haurrek baino gehiagok parte hartu zuten, eta ordubetez baino gehiagoz margotu edo marraztu zituzten beren marrazkiak.
Hauek izan ziren irabazleak:
– 6 urte arte: Maddi Iñarra (lehen saria), Irati García (bigarren saria) eta Unai Retegui (hirugarren saria)
– 7 eta 9 urte bitartekoak: Uxue García (lehen saria), Aia Iñarra (bigarren saria) eta Ane Tellechea (hirugarren saria)
– 10 eta 12 urte bitartekoak: Lidia Vidaurre (lehen saria), Álvaro García (bigarren saria) eta Janire Retegui (hirugarren saria)
Askariaren eta sari-banaketaren ondoren, Paco Carrillo (Jenerala) eta Rubén Fraile (Komandantea) bertan zirela, konpainiak entsaio txiki bat egin zuen haur guztiekin, Perujaran kaletik Larreaundiraino.