Besteak beste, bilera Olaberria Konpainiaren parte-hartzeari buruzko datuak aztertzeko aprobetxatu da, bai entsaioetan, bai San Pedro eta San Martzial egunetan
Asteazken honetan, uztailaren 23an, kurtso honetako batzordearen azken bilera egin da Nekazarien Etxean. Bertan, Olaberria Konpainiak entsaioetan eta San Pedro eta San Martzial egunetan izandako parte-hartzeari buruzko datuak aztertu dira. Gainera, urtean zehar konpainiak antolatzen dituen jarduera eta ekimenen balantzea egiteko aprobetxatu da. Datozen urteetarako hobetzeko puntuak bilatzea da helburua.
Konpainiako batzordearen ohitura da kurtsoa balorazio-bilera honekin ixtea eta, ondoren, atseden bat hartzea, Hondarribiko jaiak igaro ondoren berriro bilerekin hasteko.