Berrogeita hamar lagunek baino gehiagok egin dute igande honetako bisita gidatua
Berrogeita hamar pertsona baino gehiagok egin dute igande honetan Olaberria Konpainiak eta Mugarriluze Alardearen Aldeko Emakume Elkarteak antolatutako bisita gidatua. Euria izan da protagonista, eta San Narcisoko meatze-ingurunea bisitatu da.
Bisita goizeko 9:00etan hasi da Perujarango haur parketik, Arrillaran igo eta, besteak beste, Iparragirre, Eizagirre eta Elorditxipi baserrietatik igarotzeko. San Narciso Jauregian hamaiketakoa egin ondoren, ibilbideari jarraitu zaio, eta, besteak beste, Uruneko Errota, Aristiburu, Zamora eta Aramburu baserrietatik igaro eta Estebenean amaitu da 13:00ak aldera. Bisita amaitzeko, bazkari bat egin da Estebenea Jatetxean.
Olaberria Konpainiak eta Mugarriluze Alardearen Aldeko Emakume Elkarteak eskerrak eman nahi dizkiegu bisitara hurbildu diren guztiei, baita Joxe eta Iñaki Aramburu anaiei, Fernando García Nietori eta Lauren Etxepareri ere, ibilbidean zehar egindako azalpen historikoengatik.