2011ko apirilean sortu zen
Olaberria Konpainiaren Facebookeko orria 1500 jarraitzailera iritsi da aste honetan. 2011ko apirilean sortu zen, eta urte hauetan jarraitzaile gehiago irabazten joan da etengabe, duela egun batzuk zenbaki biribil horretara iritsi arte.
Gogoan izan behar da konpainiak zabaldu zuen lehen sare soziala izan zela. Ondoren, YouTubeko kanala, X kontua (lehengo Twitter) eta Instagrameko profila etorri ziren. Konpainiaren web orria osatzeko balio dute, eta, horien guztien bidez, konpainiak urtean zehar egiten dituen jardueren berri ematen da, baita San Martzial Alardearen inguruan gertatzen diren albiste garrantzitsuenen berri ere.