Iñaki Aramburu enpresako arduradunak laguntzaile berri gisa egiaztatzen duen koadroa jaso du
Iñaki Aramburu kedar-garbitzailea Olaberria Konpainiarekin lankidetzan diharduten establezimendu, denda eta enpresen zerrendara batu da. Konpainiaren batzordeak duela gutxi eman dio Iñaki Arambururi, enpresaren arduradunari, laguntzaile berri gisa egiaztatzen duen koadroa. Enpresa, 2018an sortuan, gasak eta keak husteko hodien mantentze-lanetan eta garbiketan espezializatuta dago, baita tximinien eta galdaren errekuntza-eremuetan ere.
Establezimendu, denda edo enpresa bakoitzak, konpainiarekin ados jarrita, parte hartzeko modua aukeratzen du: konpainiak urtean zehar antolatzen dituen jardueren berri emanez, Gabonetako loteria saltzen lagunduz, entsaioetako datak, ordutegiak eta ibilbideak ezagutaraziz, etab.
Establezimendu, denda edo enpresa berriren batek konpainiarekin kolaboratu nahi badu, batzordeko edozein kiderekin jar daiteke harremanetan, posta elektroniko bat idatzi info@companiaolaberria.com helbidera edo mezu bat utzi sare sozialetan.