Inprimatu

OLABERRIA KONPAINIA INSTAGRAM-EN DAGO

Nork idatzia: Compañia Olaberria.

Konpainiaren inguruan sortutako azken berriak irakurri daitezke, hala nola Nekazarien Etxeko biltegiaren berrantolaketa edota banderin zaharraren garbiketa eta markoztaketa

Instagram-eko profila ireki berri du Olaberria Konpainiak, YouTube kanalarekin, Facebook orriarekin eta Twitter kontuarekin batera konpainiako web orriaren osagarri moduan funtzionatuko duena. Guzti hauei esker urtean zehar konpainiak egiten dituen jardueren berri eta gure festaren inguruan sortzen diren albiste nagusien berri ematen da.

Instagram-eko profil berrian konpainiaren inguruan sortutako azken berriak irakurri daitezke jada, hala nola Nekazarien Etxeko biltegiaren berrantolaketa edota banderin zaharraren garbiketa eta markoztaketa.

“Eskura daukagun tresna berri bat da. Konpainiako batzar batean martxan jartzeko eskatu ziguten, gazteagoei zuzentzeko helburuarekin”, adierazi du Olaberria Konpainiako kapitaina den Javier Garcia Nietok.

Inprimatu

LEYRE LOPEZ, 2019ko OLABERRIAKO KANTINERA

Nork idatzia: Compañia Olaberria.

Leyre Lopez 2019ko Olaberria Konpainiako kantinera izateko aukeratua izan da ostiral honetan Olaberriako Eskola Zaharretan ospatutako hauteskundeetan.

Zorionak!

Inprimatu

BANDERIN ZAHARRA GARBITU ETA MARKOZTATU EGIN DA

Nork idatzia: Compañia Olaberria.

Nekazarien Etxeko biltegian jarri da

Olaberria Konpainiako banderin zaharra, XX. mendeko bukaeraraino San Martzial Alardean ateratakoa, garbitu, zaharberritu eta markoztatu egin da.

Banderina Nekazarien Etxeko biltegian jarri da, berriki berrantolatua izan dena. Bertan Olaberria Konpainiako nahiz Mugarriluze Alardearen Aldeko Emakume Elkarteko dokumentazioa eta materiala gordetzen da. Jarrita utzi baino lehen bizi diren banderin guztiek argazkia atera dute berarekin: Leo Aldaz (1970-1971), Juan Indacoechea (1972-1981), Inaxio Manterola Arruabarrena (1982-1998), Tomas Beltran (1999-2000), Josetxo Oyarzun (2001-2008), Iñaki Martiarena (2009-2014 y 2016-2018) eta Martin Jose Telletxea (2015).

Olaberria Konpainiak banderin ezberdinak atera ditu historian zehar, baina bi bakarrik mantendu dira, zaharberritua izan den hau eta gaur egun San Martzial Alardean ateratzen dena.

Inprimatu

MUGARRILUZE SARE SOZIALETAN DAGO

Nork idatzia: Compañia Olaberria.

 

Elkarteak Facebook, Instagram eta Twitter-en kontu ofizialak ireki ditu. Bertan urtean zehar egiten dituen aktibitateen berri emango du

Mugarriluze Alardearen Aldeko Elkarteak aro berri bat irekitzen du sare sozial nagusietan profil ofizialak irekitzearekin batera. Maiatzaren 25etik aurrera Facebook orrialdea eta Twitter eta Instagram kontuak izango ditu:

•Facebook: @mugarriluzeemakumeelkartea

•Twitter: @mugarriluze

•Instagram: mugarriluze_emakumeelkartea

"Egiten ditugun gauzak kontatzeko gure eskura dauden tresna baliagarriak dira, jende askok ezagutu eta segitzen dituenak. Gainera, beste emakume batzuekin harremana izateko aukera polita irekitzen digute", adierazi du elkarteko presidentea den Amaia Jauregik.

Bi urte baino gehiago aktibitate ezberdinak antolatzen

Elkarte berria 2015eko urriaren 17an ospatutako batzar batean sortu zen eta Eusko Jaurlaritzak 2016ko maiatzaren 4ean ontzat eman zituen haien estatutuak eta baieztatu egin zuen elkartea Euskal Herriko Elkarteen Erregistro Orokorrean izena emanda zegoela. San Martzialeko Alardea ezagutzen dugun bezala mantentzeko eta zaintzeko lan egiteko asmoarekin sortu zen. Gainera, kulturara eta folklorera lotutako ohitura zaharrak ere berreskuratu nahi ditu, batik bat, Olaberria auzoari dagokionez.

Gaur egun, hogeita hamar bat bazkidez dago osatua elkartea, horietatik 8 zuzendaritza-batzordea osatzen dutelarik. Nekazarien Etxean dute egoitza (Olaberria auzoa, 48)

Mugarriluze Alardearen Aldeko Emakume Elkartea Olaberria Konpainiarekin estu jarduten du, ekainaren erdialdera ospatu eta aurten 11. edizioa beteko duen Marrazki eta Pintura Lehiaketa edota ekainaren 3an laugarren aldiz ospatuko den auzoko muga historikoetatik egiten diren bisitaldi gidatuen antolaketan lagunduz. Gainera, Alardealdian Larreaundiko gunean talo postu batekin parte hartzen du. San Martzialektako aktibitateetaz gain, elkarteak Olentzeroren etorrera antolatzen du abenduaren 24ean.

Elkartearen helbide elektronikoa honako hau da: E-mail hau spam roboten kontra babestuta dago. JavaScript aktibatuta izatea behar duzu hau ikusteko. . "Gure kezkak eta helburuak partekatzen dituen emakume orok irekita dauka gure elkarteko atea", bukatu du Jauregik.

 

Inprimatu

ESKUMUTURREKOAK, BOST TABERNETAN SALGAI

Nork idatzia: Compañia Olaberria.

 

Antunez tabernan, Olaberria kafetegian, Las Dos Marias tabernan, Tonel tabernan eta Danok Anai tabernan erosi daitezke, baita mertxandising-aren arduradunak diren batzordeko kideekin harremanetan jarriz

Olaberria Konpainiako batzordeak hemendik aurrera konpainiako eskumuturrekoak Antunez tabernan, Olaberria kafetegian, Las Dos Marias tabernan, Tonel tabernan eta Danok Anai tabernan erosi daitezkeela jakitera eman nahi du, baita mertxandising-aren arduradunak diren batzordeko kideekin harremanetan jarriz. Silikonaz eginak daude, gorriak dira eta "COMPAÑÍA OLABERRIA" inskripzioa daramate zuriz grabatua. 2 eurotan saltzen dira.

Duela urte batzuk Olaberria Konpainiak mertxandising artikuluak ateratzea erabaki zuen bi helbururekin: batetik, konpainiako kideei, lagunei zein senitartekoei Olaberriako jantzi edo artikuluak eramateko aukera ematea; eta bestetik, diru-sarrera gehiago izatea San Martzial Alardearen antolakuntzan eta urtean zehar egiten ditugun jardueretan sortzen diren gastuak ordaintzen laguntzeko.

Eskumuturreko hauez gain, Olaberria Konpainiak honako artikulu hauek ditu salgai: zira zuriak, pinak, pizgailu zuriak, pizgailu beltzak, labanak, aterkiak, motxilak, gizonentzako poloak, emakumeentzako kamisetak, giltzatako gorriak, giltzatako beltzak, banderak eta pegatina itsasgarriak. Prezioak eta eskuragarritasuna kontsultatzeko mertxandising-aren arduradunak diren batzordeko kideekin harremanetan jarri edo Nekazarien Etxean galdetu.

Inprimatu

KONPAINIAKO ESKUMUTURREKOAK SALGAI

Nork idatzia: Compañia Olaberria.

 

Silikonaz eginak daude, gorriak dira eta "COMPAÑÍA OLABERRIA" inskripzioa daramate zuriz grabatua

Olaberria Konpainiak silikonaz egindako eskumuturrekoak ditu duela egun batzuk mertxandising produktu berri bezala. 2 eurotan salduko dira. Gorriak dira eta "COMPAÑÍA OLABERRIA" inskripzioa daramate zuriz grabatua.

Duela urte batzuk Olaberria Konpainiak mertxandising artikuluak ateratzea erabaki zuen bi helbururekin: batetik, konpainiako kideei, lagunei zein senitartekoei Olaberriako jantzi edo artikuluak eramateko aukera ematea; eta bestetik, diru-sarrera gehiago izatea San Martzial Alardearen antolakuntzan eta urtean zehar egiten ditugun jardueretan sortzen diren gastuak ordaintzen laguntzeko.

Eskumuturreko hauez gain, Olaberria Konpainiak honako artikulu hauek ditu salgai: zira zuriak, pinak, pizgailu zuriak, pizgailu beltzak, labanak, aterkiak, motxilak, gizonentzako poloak, emakumeentzako kamisetak, giltzatako gorriak, giltzatako beltzak, banderak eta pegatina itsasgarriak. Prezioak eta eskuragarritasuna kontsultatzeko mertxandising-aren arduradunak diren batzordeko kideekin harremanetan jarri edo Nekazarien Etxean galdetu.

Inprimatu

KOMUNIKABIDE BERRIA KONPAINIARENTZAT

Nork idatzia: Compañia Olaberria.

 

La Gaceta de Olaberria lau hilabetero argitaratuko da eta bazkide eta kolaboratzaileei posta elektronikoz bidaliko zaie. Konpainiaren egunerokoak jasoko ditu

Olaberria Konpainiak apirilaren 8an burututako ohiko asanbladan berri labur bat sortzea onartu du, konpainiako batzordeak proposatua. La Gaceta de Olaberria deituko da.

Lau hilabetero argitaratuko da eta bazkide eta kolaboratzaileei posta elektronikoz bidaliko zaie. Bertan konpainiaren egunerokoak jasoko dira: bazkide kopuruari buruzko informazioa, antolatzen diren aktibitateei buruzko datuak, entsaioen ordutegiak edota San Martzial Alardearen inguruko nobedadeak.

La Gaceta de Olaberria berri laburra Olaberria Konpainia osatzen duten pertsonen arteko harremana bultzatzen jarraitzeko balioko du. Azken urteotan web orri bat sortu, sare sozial garrantzitsuenetan profilak ireki (Facebook, Twitter eta Youtube), konpainiaren kontu korporatibo bat sortu eta asanbladetan multimedia erabiltzen hasi dela gogoratu behar da.