Inprimatu

OLABERRIA, AMA SHANTALENGO MENDEURRENAREKIN

Nork idatzia: Compañia Olaberria.

Olaberria Konpainiako ordezkaritza bat Ama Shantalen Konpainiaren mendeurrena dela eta antolaturiko erakusketaren inauguraziora hurbidlu da

Javier Garcia Nieto (kapitaina), Iñaki Aguirrezabala (tenientea), Martin Tellechea (alfereza), Alberto Etxebeste (alfereza), Leyre Lopez (kantinera) eta batzordeko kideak diren Santi Perez, Jose Luis Martin eta Serafin Elosua Olaberria Konpainia ordezkatu dute Ama Shantalen Konpainiaren mendeurrena dela eta antolaturiko erakusketaren inaugurazio ekitaldian.

Ama Shantalen Konpainiak bere historiako 100 urteen ospakizunen ekintzekin jarraitzen du. Horrela, 1919. urtetik, sortu zenean, gaur egunera arteko ibilbideak islatzen duen erakusketa antolatuta dago. Bertan, eduki fotografiko asko egongo da: 100 argazki baino gehiago eta ikus-entzun bat non argazki gehiago proiektatuko diren. Gainera, bost mahai jarriko dira konpainiako hainbat objekturekin: upeltxoak, kantineren bandak, sableak, konpainiak eraman dituen banderatxo desberdinak, etab.

Erakusketa ekainaren 9ra arte, igandea, bisitatu daiteke hurrengo ordutegian: astean zehar 19:00tik 21:00ra arte eta aste bukaeran 11:00tik 13:00ra arte eta 18:00tik 20:00ra arte.

Oroitzapenezko ekitaldiak

Hurrengo ekainaren 30erako motorrak berotzen hasteko, Ama Shantalenek jada beste ekitaldi batzuk burutu ditu bere historiako 100 urteak ospatzeko. Pasa den maiatzak 11n, larunbata, eguerdian, Xantalengo ermitan oroitzapenezko meza egin zen eta ondoren, Irungo Atseginan, bazkari bat ospatu zen.

Baita ere, konpainiak bere 100 urteak islatzen duen logo bat diseinatu du eta pin batzuk salgai jarri dira, Calzados Pombar eta Coinbroker seguruen artekaritzan bi euroren truke erosiz.

Inprimatu

GIRO EDERRA IGANDEKO BISITA GIDATUAN

Nork idatzia: Compañia Olaberria.

Berrogeita hamar pertsona inguru egin zuten bisita gidatua

Berrogeita hamar pertsona inguru egin zuten igande honetan Olaberria Konpainiak eta Mugarriluze Alardearen Aldeko Emakume Elkarteak antolatutako bisita gidatua. Hauei gainera Altzubideko Errota baserrian hamaiketakoa prestatzen gelditu ziren hamarna pertsona inguru gehitu behar zaie.

Bostgarren urte honetarako proposatutako ibilbidea honako hau zen: San Jose Langilea parrokiatik atera 9:30etan eta Virgen Milagrosa, San Jose Langile eta Berio kalea zeharkatuz Egiluze komentura igo. Lizardi, Altzubideko Errota, Oiakinta eta Uruneko Errotatik pasa argibide historiko xume batzuk jasoz, Olaberria-Bentas errepidera ateratzeko, eta handik Estebenea Jatetxera, bisita gidatua bukatzeko.

Hogeita hamar bat lagun Estebenea Jatetxean bazkaldu zuten gero. Menua itxia zen, 25 euro helduentzako (kroketak, entsalada mistoa, piper beteak, txerri-ukondoa/bakailoa saltsan, postrea, kafea, ardoa eta sagardoa) eta 12,50 euro umeentzako (kroketak, txibiak, oilasko-bularkia patatekin, izozkia, ura eta freskagarriak).

Inprimatu

OLABERRIA KONPAINIA INSTAGRAM-EN DAGO

Nork idatzia: Compañia Olaberria.

Konpainiaren inguruan sortutako azken berriak irakurri daitezke, hala nola Nekazarien Etxeko biltegiaren berrantolaketa edota banderin zaharraren garbiketa eta markoztaketa

Instagram-eko profila ireki berri du Olaberria Konpainiak, YouTube kanalarekin, Facebook orriarekin eta Twitter kontuarekin batera konpainiako web orriaren osagarri moduan funtzionatuko duena. Guzti hauei esker urtean zehar konpainiak egiten dituen jardueren berri eta gure festaren inguruan sortzen diren albiste nagusien berri ematen da.

Instagram-eko profil berrian konpainiaren inguruan sortutako azken berriak irakurri daitezke jada, hala nola Nekazarien Etxeko biltegiaren berrantolaketa edota banderin zaharraren garbiketa eta markoztaketa.

“Eskura daukagun tresna berri bat da. Konpainiako batzar batean martxan jartzeko eskatu ziguten, gazteagoei zuzentzeko helburuarekin”, adierazi du Olaberria Konpainiako kapitaina den Javier Garcia Nietok.

Inprimatu

LEYRE LOPEZ, 2019ko OLABERRIAKO KANTINERA

Nork idatzia: Compañia Olaberria.

Leyre Lopez 2019ko Olaberria Konpainiako kantinera izateko aukeratua izan da ostiral honetan Olaberriako Eskola Zaharretan ospatutako hauteskundeetan.

Zorionak!

Inprimatu

OLABERRIA, JENERALAREN BERRONESPENEAN

Nork idatzia: Compañia Olaberria.

Aurten aukeratutako kolorea San Martzialeko jaka eta espartinen zintaren kolore beltza izan da

Pasa den ostegunean Alardeko Jeneralaren berronespea egin zen, Irungo Kasinoan burututako ekitaldi xume batean.

Kapitain eta unitate buruak 20:00etan bildu ziren Alardeko Jeneralaren berronespen deliberazio zeremonia baino lehen. Ondoren Paco Carrillo jauna deitu zuten Kasinora, non Buruzagien Batzordeko idazkariak, kapitain eta unitate buruen aurrean, Jeneralaren berronespen akta irakurri zuen.

Akta idatzia doan pergaminoa biltzen duen zintaren koloreak urtero aldatzen dira. Kolore bakoitzak honako esanahia du:

Gorria: gerrikoa, txapela, gorbata eta zapia

Beltza: San Martzialeko jaka eta espartinen zinta

Zuria: San Martzialeko galtzak eta espartinak

Belus beltza: kantineraren gerruntzea

Aurten aukeratutako kolorea San Martzialeko jaka eta espartinen zintaren kolore beltza izan da. Jeneralaren izendapena, funtzionamendu kontuengatik, data hauetan, lau urteko epealdirako egiten da. Hala ere, ohiturari jarraituz, Buruzagien Batzordeak urtero egiten du Jeneralaren berronespena. Javier García Nietok lehen aldiz parte-hartu zuen ekitaldian Olaberria Konpainiako kapitaina bezala.

Inprimatu

BANDERIN ZAHARRA GARBITU ETA MARKOZTATU EGIN DA

Nork idatzia: Compañia Olaberria.

Nekazarien Etxeko biltegian jarri da

Olaberria Konpainiako banderin zaharra, XX. mendeko bukaeraraino San Martzial Alardean ateratakoa, garbitu, zaharberritu eta markoztatu egin da.

Banderina Nekazarien Etxeko biltegian jarri da, berriki berrantolatua izan dena. Bertan Olaberria Konpainiako nahiz Mugarriluze Alardearen Aldeko Emakume Elkarteko dokumentazioa eta materiala gordetzen da. Jarrita utzi baino lehen bizi diren banderin guztiek argazkia atera dute berarekin: Leo Aldaz (1970-1971), Juan Indacoechea (1972-1981), Inaxio Manterola Arruabarrena (1982-1998), Tomas Beltran (1999-2000), Josetxo Oyarzun (2001-2008), Iñaki Martiarena (2009-2014 y 2016-2018) eta Martin Jose Telletxea (2015).

Olaberria Konpainiak banderin ezberdinak atera ditu historian zehar, baina bi bakarrik mantendu dira, zaharberritua izan den hau eta gaur egun San Martzial Alardean ateratzen dena.

Inprimatu

OHIKO BILKURA OSPATU DA NEKAZARIEN ETXEAN

Nork idatzia: Compañia Olaberria.

46 kidek hartu zuten parte eta bozkatutako puntu guztiak onartu ziren

Pasa den ostiralean Olaberria Konpainiaren ohiko bilkura ospatu zen Nekazarien Etxean, 46 kidek parte hartu zutelarik.

Bilkura 20:00etan hasi zen, iazko ohiko bilkuraren aktaren irakurketarekin, apirilaren 13koa. 45 bozka izan zituen alde, kontrako bozkarik ez eta abstentzio bat. Jarraian egun horretan bertan ospatutako ez ohiko bilkuraren akta irakurri zen. 45 bozka izan zituen alde, kontrako bozkarik ez eta abstentzio bat. Gai-zerrendaren 3. puntuan azken urteko kontuen emaitzaren berri eman zen. Proposamena aho batez onartu zen.

Aurtengo San Martzial Alardearen txostenari buruz, hiru kapitain edo unitate buru berri hautatu direla aipatu zen: Luis Mari Alustiza Santiagon, Mikel Urtizberea Anakan eta Javier Garcia Nieto Olaberrian. Manu Larrion Lapiceko kapitaina izateko berrautatua izan da. Konpainiak Gabonetako loteriaren 4400 euroak (100 euroko 44 tako) saltzea lortu zituen. 2019ko martxoaren 31ra konpainiak 437 kide ditu, 108 txilibitu, 40 erredoble, 60 danbor eta 229 eskopeta. Gaur egun ere 42 hautagai daude zerrendan.

Kantineraren hautaketa maiatzaren 10ean izango da Olaberriako Eskola Zaharretan, 20:15etik aurrera. Musika tailerrak maiatzaren 25ean eta ekainaren 1ean, 8an eta 15ean izango dira, 16:30etik aurrera, Santa Elena eskola ohian, oraingo IES Eguzkitza BHI. Entsaioak ekainaren 21ean, 24ean eta 25ean (entsaio orokorra) izango dira, Estebeneatik aterata 20:30etan. Ekainaren 19an geldiriko entsaioa egingo da, ordu berean baina Nekazarien Etxean. Ekainaren 23an XII. Marrazki eta Margo Lehiaketa burutuko da, 17:00etatik aurrera, Jose Basilio Aranburu plazan. 19:00etatik aurrera haurrekin entsaioa egingo da Larreaundiraino. Auzoko mugetatik bisita gidatua ekainaren 2an egingo da. Datorren egunetan V. “Konpainia Olaberria” Argazki Lehiaketa deituko da.

Gai-zerrendaren 5. puntuan batzordeak ekainaren 30a bukatzerakoan kantinerari opari bat egitea proposatu zuen. Aho batez onartu zen. Gai-zerrendaren 6. puntuan ahal diren kasuetan gutun gehiago ez bidaltzea proposatu zen eta egin beharreko komunikazioak posta elektronikoz egitea. Proposamena aho batez ere onartu zen. Gai-zerrendaren 7. puntuan bilkurara etorritako kide batek kantinera hautatzerakoan bi hautaketa guneetan bizitako urteak kontuan izatea eskatu zuen. Bilkura 21:05etan amaitu zen.

Inprimatu

NEKAZARIEN ETXEKO BILTEGIA BERRANTOLATU EGIN DA

Nork idatzia: Compañia Olaberria.

Bertan Olaberria Konpainiako nahiz Mugarriluze Alardearen Aldeko Emakume Elkarteko dokumentazioa eta materiala gordetzen da

Nekazarien Etxeko biltegia berrantolatu egin da. Hainbat apal ipini dira eta lekua berrantolatu egin da Olaberria Konpainiako nahiz Mugarriluze Alardearen Aldeko Emakume Elkarteko dokumentazioa eta materiala gorde ahal izateko.

Margo eta Marrazki Lehiaketan erabiltzen den materiala, auzoko muga historikoetan zehar egiten diren bisita gidatuetan erabiltzen dena, aulkiak, mahaiak, konpainiako mertxandising-a eta hainbat liburu eta idatzi era antolatu batean gorde dira beharrezkoa denean erabili ahal izateko.

Inprimatu

OLABERRIA, ALARDEEN ARTEKO ANAITASUN BAZKARIAN

Nork idatzia: Compañia Olaberria.

 

Javier Garcia Nietok, Martin Tellecheak eta Ramon Martiarenak ordezkatu zuten Olaberria Konpainia

Larunbat honetan, hamaseigarren urtez jarraian, Hondarribiko eta Irungo Alardeetako konpainia eta parte-hartze murriztuko unitate ezberdinetako buruzagiak bi alardeen arteko anaitasun bazkaria ospatzeko elkartu dira. Javier Garcia Nietok (kapitaina), Martin Tellecheak (alfereza) eta Ramon Martiarenak (kapitain ohia) ordezkatu zuten Olaberria Konpainia.

Eguna 11:00etan hasi zen Irungo batzokian txistorra eta salda batekin. 12:30ean Gazteluzar gazteluko hondarretara bisita gidatua egin zen, non Iñaki Garrido historialariak 1522ko San Martzialeko Gudaz hitz egin zuen.

14:30ean agintariak Atalaia jatetxera zuzendu ziren non 100 bat kide elkartu ziren bazkariaz gozatzera.

“Oso gustora egon gara eta Iñaki Garridok emandako hitzaldiaz asko disfrutatu dugu. Topaketa hauek, gure arteko loturak estutu eta gertaera historikoei buruz gehiago jakiteko balio dute”, adierazi zuen Hondarribiko Alardearen Burgumaisua den Iñaki Sagarzazuk.

Bazkaldu ondoren bi alardeen indarra eta luzarotasuna islatzen duen galtzada-harria obra entregatu zen. Lana batzorde batetik bestera eskualdatzen da bazkari honetan eta jasotzen duen batzordeak urte osoan zehar gordetzen du. Kasu honetan San Martzial Alardearen Jenerala den Paco Carrillok Hondarribiko Alardearen Burgumaisua den Iñaki Sagarzazuri eskura eman zion galtzada-harria.

“Kontutan izanda 1522ko San Martzial Alardearen Gudaren inguruan fundazio berri bat sortu dela eta urte bukaeran jarduerak egiten hasi dela, ondo iruditu zitzaigun egun horietan gertatutakoaren berri gehiago jakiteko aukera izatea. Horregatik antolatu dugu bisita gidatua eta hitzaldia”, esan zuen San Martzial Alardearen Jenerala den Paco Carrillok.

Inprimatu

BATZORDE BERRIA MARTXAN DA

Nork idatzia: Compañia Olaberria.

Jon Garcia de Cortazar, Jose Luis Fernandez, Javier Oreja, Unai Martiarena eta Mattin de Sande konpainiako batzordearen kide izatera pasa dira

Olaberria Konpainiako batzorde berria martxan da eta bere lehenengo bilerak  urriaren 8an eta azaroaren 14ean ospatu ditu.

Jon Garcia de Cortazar (eskopeta), José Luis Fernandez (erredoblea), Javier Oreja (txilibitua), Unai Martiarena (txilibitua) eta Mattin de Sande (txilibitua) irailaren 21ean ospatutako hauteskundeen ondoren konpainiako batzordearen kide izatea pasa dira.

Lehengo konpainiako batzordetik, kapitain berria den Javier Garcia Nieto ez ezik, honako hauek jarraituko dute: Ramon Martiarena, Iñaki Aguirrezabala, Alberto Etxebeste, Iñaki Martiarena, Martin Tellechea, Serafin Elosua, José Mª Satrustegui, Jose Luis Retegui, Jose Luis Aramburu, Martin Jose Telletxea, Vicente Calleja, Manuel Querejeta, Imanol Querejeta, Martxel Tapia, Jonas Manterola, Jaime Regatos, Agustin Merino, Santi Perez, Dani Cambon, Javier Sanchez eta Oscar Perez. Agustin Merinok, Mikel Santos-Juanesek eta Mikel Ubiriak ez dute jarraituko.

Batzorde berria, beraz, 26 kidek osatuko dute. Jon Garcia de Cortazar konpainiako diruzain berria izango da eta Martin Tellecheak idazkari lanak egiten jarraituko du.