Inprimatu

MINUTU BATEKO ISILUNEA ETA LORE-ESKAINTZA ESTEBENEAN

Nork idatzia: Compañia Olaberria.

Ekitaldi xume honetara, kapitaina, tenientea, alferezak eta banderinaz gain, konpainiako zenbait kide bertaratu ziren, hala nola hainbat kantinera eta konpainiako jarraitzaile

Ekainaren 30eko 6:15etan, aurtengo San Martzial Alardea bertan behera geratu eta gero, Olaberria Konpainiak Estebeneatik Urdanibia plazarantz abiatzen den momentuan konpainiaren armarriaren aurrean lore-sorta utzi zen. Segidan, minutu bateko isilunea gorde zen hildakoengatik.

Ekitaldi xume honetara, kapitaina, tenientea, alferezak eta banderinaz gain, konpainiako zenbait kide bertaratu ziren, hala nola hainbat kantinera eta konpainiako jarraitzaile.

 

Inprimatu

XIII. MARRAZKI ETA PINTURA LEHIAKETAKO IRABAZLEAK

Nork idatzia: Compañia Olaberria.

Guztira 32 marrazki aurkeztu dira

XIII. Marrazki eta Pintura Lehiaketaren epaimahaia pasa den uztailaren 19an bildu zen marrazki irabazleak aukeratzeko. Epaimahaia Leyre Lopez, Irati Formoso eta June Sanchez kantinerek osatuko zuten. Guztira 32 marrazki aurkeztu ziren. Lehiaketa, aurreko urteetan bezala, hiru maila izan ditu: 6 urte arte, 7-9 urte eta 10-12 urte.

Irabazleak honako hauek izan dira:

-6 urte arte: Paula Elgorriaga (lehenengo saria), Maialen Sevilla (bigarren saria) eta Nahikari Sanchez (hirugarren saria)

-7-9 urte: Uxue Garcia (lehenengo saria), Danel Bellanco (bigarren saria) eta Martina Perez (hirugarren saria)

-10-12 urte: Ariadna Garcia (lehenengo saria), Iratxe Cambon (bigarren saria) eta Asier Carpio (hirugarren saria)

Lehiaketa ezberdina

Olaberria Konpainiak eta Mugarriluze Alardearen Aldeko Emakume Elkarteak XIII. Marrazki eta Pintura Lehiaketa antolatuko zuten ekainaren 15etik 30era bitartean. Osasun krisia zela eta, ezin izan zen urtero bezala Jose Basilio Aranburu plazan ospatu. Horregatik, hainbat berrikuntza izan zituen.

Bi postontzi prestatuko ziren, bata Danok Anai tabernan eta bestea Antunez tabernan. Bertan, parte-hartzaileek haien marrazkiak uzteko aukera izan zituzten. 

Sari banaketa ahal denean burutuko da. Antolakuntzak sarituekin harremanetan jarriko da eta data Olaberria Konpainia eta Mugarriluze Alardearen Aldeko Emakume Elkartearen web orriaren eta sare sozialen bitartez ezagutaraziko da.

 

Inprimatu

SAN MARTZIALEN BOTOA BERRITU EGIN ZEN

Nork idatzia: Compañia Olaberria.

Javier Garcia Nietok eta Noël d´Anjouk lore-eskaintzan eta botoaren berritze ekitaldian parte-hartu zuten

Olaberria Konpainiak, San Martzial Alardea osatzen duten beste konpainia eta unitateekin batera, botoa berritu egin zuen pasa den ekainaren 30ean Aldabe Gainean, 1522ko San Martzial Guduaren ostean gure arbasoek emandako hitza betez.

Olaberria Konpainiaren izenean Javier Garcia Nietok (konpainiako kapitaina eta Buruzagien Batzordeko kidea) eta Noël d´Anjouk (Alardearen Batzordeko kidea) parte-hartu zuten. Osasun arau bereziek hala eskatuta, ekitaldia publikorik gabe eta parte-hartze oso murritzarekin burutu zen: Agintarien batzordeko kideak, Alardearen batzordeko kideak eta Alardearekin lan egiten duten hainbat emakume elkarteko kideak (Pagoki, GordeZAN, Emakume Irundarrak eta Mugarriluze).

Inprimatu

OLABERRIA, SAN PEDRO EGUNEKO MEZAN

Nork idatzia: Compañia Olaberria.

Javier Garcia Nietok (kapitaina), Iñaki Aguirrezabalak (tenientea) eta Martin Tellecheak (alfereza) Olaberria Konpainia ordezkatu zuten Junkaleko Andra Maria Elizan ospatutako mezan

Javier Garcia Nietok (kapitaina), Iñaki Aguirrezabalak (tenientea) eta Martin Tellecheak (alfereza) Olaberria Konpainia ordezkatu zuten Junkaleko Andra Maria Elizan gaur ospatutako mezan.

Aurten, San Martzial Alardea bertan behera utzi behar izan denez, ez zitzaizkien Alardeko konpainiei banderinak, munizioa eta soldata eman Irungo Kasinoan. Junkaleko Andra Maria Elizan ez zen Meza Nagusia ospatu, ezta mezatako eskaintzan Eslavaren “Tu Es Petrus”-a kantatu ere parrokiko abesbatza eta hiriko beste abesbatzetako kideekin batera.

Hala ere, konpainiako kapitaina den Javier Garcia Nietok San Pedro eguneko tradizioa mantendu nahi izan zuen, eta mezara joan zen, tenientea eta alferezarekin.

Inprimatu

MUGARRILUZE ETA OLABERRIA AURTENGO BISITA GIDATUA PRESTATZEN ARI DIRA

Nork idatzia: Compañia Olaberria.

Aurtengoa seigarren edizioa izango da

Mugarriluze Alardearen Aldeko Emakume Elkarteak eta San Martzial Alardeko Olaberria Konpainiak auzoko muga historikoetan zehar bisita gidatu bat antolatuko dute seigarren urtez. Urtero konpainiako kantinera hautatu ondoren burutzen den jarduera bat da, Olaberriako muga historikoetako zatiren bat eginez. Oraingoan, COVID-19ak sortutako egoera dela eta, ezin izan da aurreikusitako datan burutu, baina ahal bezain laster berreskuratuko da. Behin betiko data egoerak ahalbidetzen duenean jakinaraziko da.

Urte honetarako proposatzen den ibilbidea honako hau da:

–Junkal plazatxoa

–Arbelaitz jauregia

–San Juan Plaza

–Larreaundi

–Txikillo

–Santxotenea

–Makatzaga/Makatzondo (hamaiketako)

–Aramburu

–Zamora

–Estebenea

 

Inprimatu

ZURE ARGAZKIA BIDALI ETA KONPAINIAKO BIDEO MUSIKAL BATEAN PARTE HARTU

Nork idatzia: Compañia Olaberria.

 

Olaberria Konpainiako web orrian eta sare sozialetan zabalduko da

Olaberria Konpainiak jarduera berri bat jarri du martxan. Argazki lehiaketa bat hain zuzen ere, non parte hartzaileak Olaberriako jantziren batekin, edo konpaniako produkturen batekin atera behar dira. Gogoratu behar da konpainiako produktuen artean banderak, aterkiak, zirak, poloak, motxilak, eskumuturrekoak edo pegatinak aurkitu ditzakegula.

Argazkiak E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbide elektronikora bidali daitezke, baita konpaniako Facebook orrialdera mezu pribatu baten bidez. Jasotako argazki guztiekin bideo txiki bat egingo.

Parte hartzaileek maiatzaren 31era arte bidali ahalko dituzte beraien argazkiak. Bideoa Olaberria Konpainiako web orrian eta sare sozialetan zabalduko da.

Inprimatu

KANTINERAREN AUKERAKETA PROZESUA ATZERATU EGIN DA

Nork idatzia: Compañia Olaberria.

Kuotaren ordainketa epea apirilaren 30era arte luzatzen da

Olaberria Konpainiako batzordea apirilaren 20an telematikoki bildu zen pasa den asteko Buruzagien Batzordearen bileran hartutako erabakiak aztertzeko. Bilera horretan kapitain eta unitate buruek Alardea egiteko planteatzen den data bakarra ekainaren 30a dela adostu zuten, eta egun horretan ezin bada egin osasun agintariek horrela adierazten dutelako, ez dela beste egun batean burutuko. Gainera, lan egingo da San Martzial mendian Botoaren Berritzea egin ahal izateko. Konpainia eta partaidetza murriztutako unitateen batzordeak, kantineren aukeraketak eta data hauetan egiten diren beste ohiko bileren epeak atzeratzea ere adostu zen, egoeraren bilakaeraren zain.

Hau dela eta, Olaberria Konpainiako batzordeak, Buruzagien Batzordean onartutakoaren arabera, kantineraren aukeraketa prozesua atzeratu egiten da, eta egitekotan Buruzagien Batzordeak adierazten dituen jarraibideak segituko dira.

Marrazki eta pintura lehiaketa, bisita gidatuak auzoko muga historikoetan zehar, argazki lehiaketa baita musika tailerrak, guzti hauek Olaberria Konpainiak antolatutako jarduerak, atzeratu egiten dira ere. Aurreikusitako datetan ospatzea ezinezkoa balitz, ekainaren 30a ondoren berreskuratzea aztertuko da, Alardea ospatu edo ez.

Olaberria Konpainiako batzordeak apirilaren 24erako aurreikusita zegoen ohiko bilkura bertan behera uztea eta kuotaren ordainketa epea apirilaren 30era arte luzatzea ere erabaki zuela gogoratu behar da.

Olaberria Konpainiako batzordeak maiztasunez bilerak egingo ditu, hartzen diren neurrien balorazioa eta jarraipena egiteko. Datorren bilera apirilaren 30ean ospatuko da.

Inprimatu

OLABERRIA, BI ALARDEEN ARTEKO URTEKO BAZKARIAN

Nork idatzia: Compañia Olaberria.

Javier Garcia Nieto eta Iñaki Aguirrezabala izan dira Jaizkibel jatetxean egin den bazkarian Olaberria Konpainia ordezkatu dutenak

Larunbat honetan, hamazazpigarren urtez jarraian, Irungo eta Hondarribiko alardeetako konpainia eta parte-hartze murriztuko unitate ezberdinetako buruzagiak bi alardeen arteko anaitasun bazkaria ospatzeko elkartu dira.

Denis Alvarez Perez-Sostoaren eskutik Arma Plazara bisita gidatua egin da. 14:30etan agintariak Jaizkibel jatetxera zuzendu dira, non 90 kide elkartu dira bazkariaz gozatzera.

Bazkaldu ondoren galtzada-harria obra entregatu da, bi alardeen indarra eta luzarotasuna isladatzen duena. Lana batzorde batetik bestera eskualdatzen da bazkari honetan eta jasotzen duen batzordeak urte osoan zehar gordetzen du. Kasu honetan Hondarribiko Alardearen Burgumaisua den Iñaki Sagarzazuk San Martzial Alardearen Jenerala den Paco Carrillori entregatu dio galtzada-harria.

 

Inprimatu

URTEKO AZKEN BILERA

Nork idatzia: Compañia Olaberria.

Olaberria Konpainiako batzordeak 2019 urteko azken bilera ospatu zuen abenduaren 10ean

Olaberria Konpainiako batzordeak 2019 urteko azken bilera ospatu zuen abenduaren 10ean Nekazarien Etxean. Bertan jorratutako gaien artean: San Martzial Alardeko loteriaren dirua ematea edo auzoko muga historikoetan zehar datorren urtean egingo den bisita gidatuaren ibilbidea egon ziren. Datozen egunetan Olaberria Konpainiako kideek La Gaceta de Olaberria-ko 10. alea jasoko dute, non azken hilabeteetan Olaberria Konpainiaren jarduerei buruzko informazioa irakurri ahalko dute.

Bilera aprobetxatuz, Olaberria Konpainiako eta V. “Olaberria Konpainia” Argazki Lehiaketako epaimahaiko kidea den Jorge Lopez Lorigadosek talde argazkia egin zuen.

Inprimatu

2018ko KANTINERARI SOLDATA EMAN ZAIO

Nork idatzia: Compañia Olaberria.

Kuriositate bezala, entregatutako gutun-azalean 4,34 euro zeuden, zentimo bat 2018ko San Martzial Alardean desfilatu zutenen soldadu bakoitzeko

Olaberria Konpainiako kapitaina den Javier Garcia Nietok 2018ko kantinera den Irati Formosori San Pedro egunean Irungo Kasinoan jasotako soldata eman dio. Kuriositate bezala, entregatutako gutun-azalean 4,34 euro zeuden, zentimo bat 2018ko San Martzial Alardean desfilatu zutenen soldadu bakoitzeko.

Gogoratu behar da 2018ko apirilaren 13an Nekazarien Etxean eginiko ohiko batzarrean urtero San Pedro egunean jasotzen den soldata era simbolikoan pasa den urteko kantinerari opari gisa ematea onartu zela. Proposamena onartu egin zen, 35 bozka alde, kontrako bozkarik ez eta abstentzio batekin.