Hautagaitzak maiatzaren 5ra arte aurkez daitezke

Datorren maiatzaren 10ean kantinera aukeratuko da Olaberriako eskola zaharretan.

Hautagai-zerrendak Danok Anai tabernan, Antúnez tabernan edo batzordeko edozein kideri emanda aurkeztu ahal izango dira maiatzaren 5era arte, Barne Erregimen Araudiaren 6. artikuluan xedatutakoa betez, hau da, azken zazpi urteetan etenik gabe Olaberriako eremuan erroldatuta egon eta ohiko bizilekua izan beharko dute hautagaiek, konpainiek alardearen ondorioetarako hitzartutako banaketaren arabera. Salbuespen bakar gisa, ikasketengatik beste herriren batean nahitaez erroldatu behar izan duten neskak izan daitezke hautagaiak, baldin eta ohiko bizilekua Olaberriari dagokion eremuan badute. Hautagaitza aurkeztu nahi duten guztiek Olaberria konpainiako kide baten sinadurarekin abalatuak izan beharko dira. Hautagaitzak gutun-azal itxian aurkeztuko dira, datu pertsonalak, gehienez 20 x 15 zentimetroko tamainako argazkia, Nortasun Agiri Nazionalaren fotokopia eta errolda-ziurtagiri historikoa barne.

Aurtengo aukeraketa Olaberria landa eremuari dagokio. Maiatzaren 6an batzordearen bilera bat egingo da hautagaitzak baliozkotzeko eta, hala badagokio, akatsak zuzentzeko.

Maiatzaren 10eko bozketa, ohi denez, 20:15etik 21:00etara izango da. Hautagai batek gehiengo osoa lortzen badu, kantinera aukeratua izango da. Hautagaietako batek ere gehiengo osoa lortzen ez badu, bigarren bozketa bat egingo da bi hautagai bozkatuenen artean.

Barne Erregimeneko Araudiaren 1.2 artikuluan jasotzen den bezala, konpainiako eskubide osoko kideek parte hartu ahal izango dute bozketan, eta halakotzat hartuko dira "gutxienez hiru urteko antzinatasuna edo ekitaldiak dituztenak, eta baldintza hori lehenengo kuota ordaindu eta laugarren urtearen hasieran hartuko da". Gainera, "Olaberria konpainiaren funtzionamendurako aurreikusitako kuota ekonomikoak ordaintzeko betebeharra izango dute. Kuota horiek urteko edo ekitaldiko lehen hiruhilekoan ordaindu beharko dira". Gogoratu behar da "epe horretan kuota ordaindu ez dutenek ekainaren 30a baino lehen ordaindu ahal izango dutela. Aukera horrek eskubide osoko osagaiaren eskubideak etetea dakar indarrean dagoen ekitaldian zehar", eta, beraz, ezin izango du kantineraren aukeraketan parte hartu.

Entsaioa José Basilio Aranburu plazatxoan izango da

Igande honetan izango da Olaberriako Diana jotzeko sortutako taldearen lehen entsaioa. Gogoan izan behar da konpainiaren batzordeak lantalde bat sortu zuela duela gutxi, banda sekzioko kideekin, eta Palmera Monteron egindako bilera baten ondoren, entsaio-egutegi bat adostu zuela. Lehenengoa apirilaren 21ean izango da, 11:30etatik aurrera, José Basilio Aranburu plazatxoan.

Olaberria Konpainiak 2021eko ekainean ohiko batzarrean onartu zuen diana bat izateko proiektua berreskuratzea. Alberto Ubiriak, lanbidez musikaria eta konpainiako kidea, proposamen bat aurkeztu zuen. Proposamen hori onartu egin zen eta entsaioetan nahiz musika tailerretan entsaiatu izan da urte hauetan.

Los ganadores de la IX edición: Saray López (centro), Karina Aguirre y Jorge L. Lorigados

Hiru argazki onenentzat sariak egongo dira eta guzti-guztiak konpainiaren artxibora pasako dira

Olaberria Konpainiak IX. "Olaberria Konpainia" Argazki Lehiaketa antolatu du, gure konpainiarekin zerikusia duten argazkiak sustatu, aitortu, saritu eta zabaltzeko.

Argazkiak 2024koak izan beharko dute, eta Olaberria Konpainiarekin lotuta egon beharko dute, bai San Martzial Alardean, bai konpainiak parte hartzen duen gainerako ekitaldi eta jardueretan: San Pedro eguneko ikuskaketa, entsaioak, Alardealdia, Marrazki eta Pintura Lehiaketa, musika tailerrak, bozketak, batzarrak, bilerak, etab.

Lehiaketa pertsona guztientzat zabalik dago, adin, sexu edo inolako baldintzarik gabe. Izen-ematea doakoa da, E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera idatzi behar da. Aurkeztutako argazkiek argitaragabeak eta originalak izan beharko dute. Parte-hartzaile bakoitzak hiru argazki aurkeztu ahal izango ditu gehienez. Entregatzeko azken eguna irailaren 30 izango da, eta aipatutako helbide elektronikora bidali beharko dira, argazkien izenburua, egilearen izena eta abizenak eta harremanetarako telefono bat adierazita. Lehiaketaren irabazleak urtea amaitu baino lehen jakinaraziko dira, eta sari-banaketa José Basilio Aranburu plazatxoan egingo da, oraindik zehaztu gabe dagoen egunean.

Hiru argazki onenentzako sariak egongo dira eta guztiak konpainiaren artxiboan sartuko dira. Sariak bi establezimendu laguntzailek, batzordeko bi kidek eta konpainiako hiru soldaduk osatutako epaimahaiak erabakiko ditu. Argazki onenen aukeraketa bat establezimendu laguntzaileren batean jarriko da ikusgai, baita webgunean eta sare sozialetan ere.

Saray López, azken irabazlea

Gogoratu behar da Saray López González, Guztion Alardea argazkiarekin, izan zela azken edizioko irabazlea. Bigarren saria Karina Aguirre Altuna eta En blanco y negro izeneko bere argazkiarentzat izan zen. Hirugarren saria, berriz, Jorge López Lorigados eta ¡Con paso firme! izeneko bere argazkiarentzat izan zen.

Oinarriak kontsultazeko, hemen klikatu.